就算度小月嚟香港插旗，佢都影響唔到小妹去台南嘅意欲架！
好多人都都話台南交通唔方便，又話台南呢啲鄉下地方無嘢行，錯哂！只要做足功課，又或者同當地人溝通多啲，大家就會發現台南真係好正架！
介紹返，除咗去度小月之外，台南仲有無數好味嘅食物可以填滿大家嘅嘴巴。仲有，如果大家去台南但無食過以下食物，你千祈唔好同人講你去咗台南。
去度小月食嘢，當然要去總店啦！
鹹食嚟講，一定要提吓阿堂鹹粥同埋富盛號碗粿。要食到呢兩種美食，首先大家要一早起身，事關阿堂朝早11點就閂門，富盛號就話賣哂啲貨就拉閘。好明顯，小妹第一日係兩樣都食唔到。
第二日，一早爬起身去食粥，潮店果然名不虛傳，人生人海，大排長龍。個個都搶住叫足料到爆嘅綜合鹹粥。唔係講笑，台南最出名嘅虱目魚皮、魚肉、魚肚、蚵仔全部都係碗粥入面輕易搵到 (間唔中仲搵到幾條魚骨)。雖則小妹唔係魚類愛好者，不過我都覺得呢碗粥好鮮味，最緊要係佢無腥味。
足料嘅台南鹹粥，同小妹食開嘅廣東粥截然不同。
離開阿堂鹹粥，步行10-15分鐘就到富盛號碗粿喇！又係人山人海嘅大佬！無計啦，幾十年歷史，人情味濃啊嘛！介紹返，其實碗粿係米漿混入瘦肉、蝦米而做成嘅鹹點，加埋特別嘅黑醬油，就會多一份甜味。食完之後出奇地飽！
台南人最喜愛嘅碗粿，口感QQ的。
還有隨意在小店找到的蛤蜊湯。
一句講哂:台南美食梗有一間喺左近。
更多遊記: 遊。筆。攝。80園地
