我在花蓮跨年超興奮。
正所謂「年假太少，旅遊癮太大」。呢幾年小妹為咗去多幾次旅行都常用「請x放x」攻略。2016年年尾就決定請1放4，出發去花蓮參加跨年晚會。
點解小妹會揀去花蓮跨年？無他嘅，舊年年尾新開咗直航花蓮航線，作為潮流尖端同埋勇於嘗試嘅小妹，二話不說就決定去花蓮啦！
由於花蓮航空站本身嚟講主要係軍事用途，所以大家唔好期望佢哋有幾十個過關櫃檯同埋2秒可以過到關。小妹果日搭下晝3點機，最後去到花蓮過哂關，買哂電話卡，提埋款，去到酒店擺低行李都差唔多7點lu。
為咗追趕住個跨年晚會，小妹食埋2016年最後一餐飯就出發去東大門夜市隔離個空地，即係跨年晚會嘅會場。雖然天公不作美，但依然無阻一班街坊同埋遊客嚟睇show。台上嘅歌手努力表演，台下嘅朋友繼續撐住傘大聲尖叫。
開始咯!
大雨都不怕啦！氣氛超高漲！
去到倒數時刻，天公終於作美停雨一陣。隨著連綿不斷嘅煙花係天上綻放，身邊嘅朋友都毫不吝嗇咁同對方講「新年快樂」，標誌住新嘅一年又開始了。
當夜煙花燦爛。
在異地睇煙花好似特別燦爛。
晚會要結束了。
其實大時大節去吓其他地方感受當地嘅節日氣氛都幾好丫！仲有半年就2018年，你又計劃好去邊度跨年未啊？
一句講哂：當夜煙花燦爛，不過如果當晚唔係落雨就更好。
再記：又咁啱香港今晚放煙花同花蓮當日放煙花嘅情況一樣。哈哈！
更多遊記:遊。筆。攝。80園地