我在箱根天氣晴。 | 日本 | 東京・關東

如果要「去箱根唔傷根」嘅話，好好計劃行程真係好緊要，所以小妹今次就揀咗join local tour，咩都有人安排哂就唔駛煩。喺旅遊巴上，領隊姐姐就簡單介紹吓整天嘅行程。當日嘅行程包括食buffet、去大涌谷、搭海盜船同埋浸溫泉。

由東京去箱根大拿拿都要2個鐘車程，所以喺東京9點出發嘅我哋，去到箱根都差唔多12點，都喺時候食lunch buffet啦！不過lunch buffet無咩特別，所以我哋食飽飯就去進行光合作用喇！

園林景致。

之後就轉戰大涌谷。搭纜車上去果陣聞到陣陣硫磺味，再配合埋當日難得勁大風，真係吹到頭髮亂了無難度！碌到上山頂之後仲見到富士山，正啊！

列車正前往大涌谷。

唔該幫我包起隻蛋丫。

富士山啊！

上完山之後就要落海搭海盜船了！果日咁大風，如果小妹企喺船頭吹足25分鐘嘅話，我諗真係會暈低。btw，喺陽光普照下上「賊船」喺開心嘅！一個字講哂「風景優美」。

賊船外觀。

賊船配藍天。

睇盡風景之後就返去浸溫泉，之後就返東京lu。

p.s. 值得一提嘅係，日本嘅高速公路休息站又係正嘢嚟架！今次去咗平塚同埋海老名兩個休息站。顛架！唔小心係咁買嘢食，領隊姐姐俾得15分鐘我真係唔夠。（其實人哋諗住我哋用15分鐘嚟去洗手間，又或者俾司機哥哥休息吓）

一句講哂：下次再去箱根應該要住返佢一晚先得！