五千円，以今天的匯率，大概等於港紙三百多元。咁用五千円又
可以在日本食到幾盡幾豪呢？今次光顧了位於大阪中之島的Quintocanto意大利餐廳，或許可以給我們一點點啟示。
Quintocanto，相比起其他知名的食店，算是容易預訂的一家。在他們的官網便提供網上預訂服務，而且當月的預約情況亦可供瀏覽，非常方便。
餐廳不是很大，大概有十張檯左右。但是他們有cloak room, 幫客人收納外套和隨身物品（還有shopping後的戰利品）
一坐下，已經被枱上的餐具吸引。我尤其喜愛這個餐巾的套飾。
再來，看看今天的餐牌吧，好有心思用磁石貼着的這個餐牌，數下數下，一。。二。。三。。。 wow。。。總共有十一道菜。朋友都滿臉懷疑，問我係咪真係五千円，我只說確認email是這樣寫著，但是心裡也開始猶疑。不過唔理咁多，食咗先講。
第一道Amuse，就跑出個Chef來親自介紹，哈哈，為什麼捧著一大盤盆栽呢？果真嚇了我哋一跳。原來唔係叫我哋食葉，只係食上面黑色嗰幾粒。。 食落口鹹鹹哋，都幾好食。不過賣相就果真別出心裁，俾個Like佢！
接著是Appertizer，魷魚旁邊加上一點紅蘿蔔醬，上面是紅蘿蔔脆脆和火腿。
然後係A dish of Fish，真係好一口，不過碟就相當的大啊。
好啦，講明是意大利餐廳，當然唔少得自家製意粉，這個午餐係有三道意粉。冇錯，係三道意粉。先來第一個自家製意粉。好好食，甜甜的南瓜汁，還有上面新鮮的香葉，一點也不溜 （畢竟還有下面好多味菜未上，如果咁快就食飽了怎麼辦）
到這裡，嚟個One Spoon清清喉嚨，話明one spoon，當然係一啖就吃完，多啖都無。已經忘記了裡面有啲乜嘢，但係食落去每一樣嘢都有唔同嘅口感，夾埋一齊好得意好夾，吃完有一種意猶未足的感覺。
清完喉嚨就再嚟Pasta Number 2， 嘩！是我喜歡的意大利飯，南瓜汁甜甜的好好味，中間的肉我哋食來食去都食唔出是什麼肉，似雞又似鴿。。。不過好味就得啦哈哈。薄荷葉和黑椒配合得天衣無縫，絕對係水準之作。
終於到主菜，今天食羊，跟燴雜菜。羊我不是很識欣賞，個人比較喜歡雜菜，好新鮮，醬汁也做得很出色。
甜品之前還有驚你食唔飽嘅意粉三，是茄汁意粉，可以選擇30g，60g，或者90g，我哋當然揀最少的30g，已經飽到不行了。我哋仲笑問waiter有冇one spoon份量揀。
好了，終於到甜品了。白色的是荔枝雪糕，棗紅色的是浸了莓子汁的蛋糕，還有一片片荔枝肉乾，不過不失的一個甜點。
最後咖啡或茶，難得他們也一點不馬虎，我喝的洋甘菊茶並不是用茶包沖的。特別喜愛那個一口小食 Air of Hazelnut，嚥嚥靭靭很好吃，配茶一流。茶具也很靚呢！
去到這個位，朋友們已經不再討論這餐是否五千円的問題，因為他們的結論是無可能是咁平。登登登登。。。 埋單的時候，謎底終於揭開，真的是五千日圓沒錯（不計加一服務費和稅）只有一句啞口無言和不能相信的雙眼。。。實在實在太抵食，咁嘅服務，環境，食物質素，完全是超值。
值得一提，是他們的服務態度，好到無可挑剔。環顧四周，其他客人都穿得好高貴，只有我哋著得最普通，完全同個環境格格不入。不過餐廳的員工，可能因為我哋係外國遊客的關係，沒有因為我哋嘅衣著而怠慢我哋，反而還像貴賓一樣招呼殷勤（註：他們有很多員工，差不多一個員工對兩個客人咁嘅比例） 好似我的朋友要去洗手間，已經有員工走埋嚟同朋友講洗手間有人可以在位上等等。洗手間也是亮點，裡面大不特止，抹手的毛巾像彩虹一樣每個顏色都整齊地排著，還有風筒，棉花棒，就連爽膚棉都有，真是令人嘖嘖稱奇。咁豪華的洗手間還是第一次見。
大滿足的一餐。有機會來大阪的話，一定要試一下這個超值午餐。
Quintocanto (Tabelog 分數： 4.3 as of 12/17/14)
ダイビル本館 1F
06-6479-1811
